يوميات طبيب نفسى وأسرار مرعبه لأول مرة يكشف عنها

أسرار مرعبه لأول مرة يكشف عنها

يوميات طبيب نفسى

يوميات طبيب نفسى وأسرار مرعبه لأول مرة يكشف عنها

بقلم / دكتور محمد البنا

أبدت القصة حوالى الساعه 3 ونص الفجر

يادوب كنت لسه راجع من شغلي من ساعتين وميت من التعب

وقررت انام حتي بالهدوم الي عليا..

ومجرد مستغرقت في النوم لاقيت موبايلي بيرن بأسم ياسمين..

قلت بينى وبين نفسى اوووف حد يتصل بحد دلوقتي

يوميات طبيب نفسى
يوميات طبيب نفسى

فية حالة عندى اسمها ياسمين و انا فعلا قولتلها اتصلي بيا في اي وقت

بس أكيد مش بتوقيت زى دا .. المهم فتحت عليها ودار بينا الحوار كا الاتي..

انا اسفه اني بتصل بيك دلوقتي لكن الحقني يا محمد!!

وصوت موبيل بيقع وبيخيم عليه السكوت!! خير يا ياسمين ف ايه ؟ ياسمين.. يا ياسمين!!!

مبتردش لدرجة اني قومت وقررت اني هنزل اروحلها

يوميات طبيب نفسى وأسرار مرعبه لأول مرة يكشف عنها

 

لكن وانا خلاص بلبس جزمتي..لاقيت موبايلها بيرن تاني!! الوووو انتي كويسه؟؟

قالتلي اه انا كويسه.. طب ايه صوت الوقعه ده!!

قالتلي مفيش اتكعبلت فسألتها طب اتصلتي ليه!

قالتلي مفيش حاجه هو انت ليه مغيرتش هدومك كل ده؟

رديت وقلت ااايه!!! نعم وانتي عرفتي منين اني مغيرتش هدومي..

قعدت تضحك هههههههههههه وتقولي انا عارفه كل حاجه..

سألتها تاني انتي كويسه يا ياسمين ردت عليا

بس المره دي الصوت الي بيضحك اتقلب لصوت مسحوب وبيتنهد

وصوت واضح وبيقول: محمد الحقني… ااااالحقني هو.. هوووواا..

هو هنا.. هنا في بيتي الحقني عشان خاطري..

قولتلها هو مين بظبط.. اهدي واوصفيلي الي شيفاه..

يوميات طبيب نفسى وأسرار مرعبه لأول مرة يكشف عنها

يوميات طبيب نفسى
يوميات طبيب نفسى

اه نسيت اقولكو ياسمين مريضه عندي من فترة قريبة جدا  وانا طبيب نفسي وياسمين جاتلي من شهر بسبب تهيوأت عندها وحاجات بتحصلها..

المهم قولتلها اوصفيلي يا ياسمين

لاقتها بتضحك بسخريه قالتلي هو لازم ياسمين يعني انا منفعش!!..

فكرت لثواني وبعدين قولتلها لا تنفعي بس مش اعرف اسمك الاول

قالتلي مش مهم انا هقولك ايه الموجود..

جسم كبير الشعر كله مغطيه بيدور حوليك

وبيبص من المرايا وصوت ضحكته ف ودنك..

الحقيقه انا بالتوقيت دا سمعت ضحكه فعلا بس مش بالتليفون ولكن جمبى !!!

و مكنش صوت تهيوات ولا حاجة دا كان حقيقى و واضح جدا

ولكن هديت نفسي وقولت دي ضحكت ياسمين..

طيب يا ياسمين الجسم ده عاوز ايه بظبط..

قالتلي عايزك انت.. انت بالذات..

جسمي اشعر ولو اني مش من الي بيخافو

لان دوري اواجه واعالج الحالات الي بتتهيئ دي..

قولتلها وانا ببلع ريقي اشمعنا انا!!

قالتلي اسئل نفسك..

يوميات طبيب نفسى وأسرار مرعبه لأول مرة يكشف عنها

 

وبعدين قالت بكل هدوء تصبح علي شكرا اسفه ازعجتك.. وقفلت

وانا مخي بيودي ويجيب من كتر التفكير فقررت انام..

مكنش سهل بس نمت ونويت الصبح هروحلها علي عنوانها

واطمن عليها او اطمن علي نفسي بمعني أدق..

روحت الشغل عشان اجيب عنوانها المتسجل في دفتر الكشوفات

فخدت الدفتر من الممرضه الي بتسجل كل الحالات وقعدت ادور

لحد ما لاقيت الاسم قدامي بس استغربت جدا لما ملقتش مكتوب عنوان..

ولفت نظري ان كل الاسامي مطبوعه في الكشف الا الاسم ده مكتوب بالايد..

هو كان استغراب بطعم الخوف بصراحه بس سريعا طردته من تفكيري..

وقولت اكيد الممرضه نسيت تسجل عادي..

ناديت علي الممرضه قولتلها فين عنوان الحاله دي

قالتلي بالحرف: معرفش يا دكتور الاسم ده

انت جيت من شهر وخدت الدفتر مني وانت سجلته بنفسك..

ده خلاني اعرف ليه الاسم مختلف عن باقي الاسماء..

بس ازااااي دي بتقول انا اللي مسجله بنفسى..

قولتلها متأكده قالت ايوه ولله..

خدت بعضي ونزلت من العياده..

وطلعت موبايلي ودخلت علي سجل المكالمات الي مفهوش غير اسم ياسمين

عشان من عادتي امسح الاسامي كل يوم..

جيت ادوس اتصال من غير مبص الموبايل اصلا مبيتصلش

ببص لاقيت قايمة السجل فاضيه!! فاضيه ازاااي دي مكلماني امبارح ؟؟

معقوله اكون مسحتها دنا نمت..

مش مهم انا حافظ رقمها مع ان لحد دلوقتي ولله مش عارف حفظته إزاي

لاني بنسي بسرعه.. ولكن اتصلت.. الوووو اديني عنوانك يا ياسمين..

لاقتها بتقولي انت مين!! هو ايه ايه الي انا مين!!!!!

مش انتي ياسمين.. انت عاوز ياسمين مين بظبط..

قولتلها ياسمين عادل.. قالتلي ياسمين دي تبقي امي

واتوفت من 5 سنين…………..

انت عارفها منين وجبت رقمي منين؟؟ …… يا اوستاااذ الوووو… الوووووو………..

 

غزيزى القارئ

شكرا اوي أنك وصلت معايا بعنيك لحد هنا..

ممكن تقولي رأيك ف كومنت بقي..

وشكرا اكتر لو فضلت معايا فى سلسله حلقاتى

وبقيت من العيله وانتظرت المقال القادم لاستقبال باقى القصة❤

من الواجب المهنى انى محكيش اسرار المرضى بتوعى

ولكن انا بحكى مواقف اتعرضت ليها

وبجمعها بكتاب كرواية يقرائها الجميع

التعليقات مغلقة.