النسيان وعدم التركيز عند الطفل وطريقة التغلب عليها

النسيان وعدم التركيز عند الطفل وطريقة التغلب عليها

0

النسيان وعدم التركيز

كتبت/ ندى عبد الفتاح

نظرا لشكاوى كثير من الامهات من مشكلة النسيان

و عدم القدرة على التركيز عند الأطفال :

فهذه بعض الأسباب :

بصوا يا جماعة !!!! هى ثلاثية اسمها ⬅️ { ثلاثية

التعلم } , يا ترى إيه الثلاثية دى و بالترتيب ؟؟

⬇️

الانتباه – التركيز – الذاكرة

قالطفل ينتبه أولا (الانتباه ) لكل الكلام الذى يقال

له فيركز على كل الكلام ( التركيز ) فيخزن الكلام

فى مكان معين فى المخ ( الذاكرة )

فعايزين بهدوء و بدون توتر و قلق نعرف السبب :

إيه الأعضاء فى الموضوع ده ؟؟؟

الأذن و المخ و احتمال العين لو فيه إشارات من الأب أو الأم .

أولا : هل الطفل بيسمع كويس ؟ يعنى سمعه تمام

؟؟ قد تكون الأذن عنده فيها مشكلة فمش بيسمع

كل الكلام و بالتالى مش بينفذ كل الكلام , و

تيجى مثلا الأم تشتكى إن ابنها مش بيسمع

كلامها , و يكون الولد المسكين ودانه فيها مشكلة

محتاج كشف عند طبيب أنف و أذن و حنجرة , و

قد نحتاج نعمله رسم سمع أو احتمال يكون

الموضوع كله شوية شمع فى ودانه و تتشال

والموضوع يتحل .

النسيان وعدم التركيز

ودى أول حاجة .

ثانيا : المخ , وطبعا كلمة المخ لما بتتقال فيه ناس

بيحصلها صدمة 😀

ماحدش يتصدم , و برده كلمة نعرض الطفل على

طبيب نفسى برده فيه ناس بتتصدم

ماحدش يتصدم , فهنشوف المخ سليم و تمام ؟

فهل الطفل محتاج رسم مخ ؟؟ عشان قد يكون

الطفل عنده كهربة المخ فيها مشكلة فممكن

يحصل بسبب كده اضطراب فرط الحركة و قلة

الانتباه .

, و هنحتاج نعمل اختبار ذكاء

كده كده الناس تعمل اختبار ذكاء و نعرف قدرة

الطفل العقلية

فقد يكون عنده مشكلة فمش بيقدر يستوعب و

يركز ( التركيز ) و يخزن ( الذاكرة ) كل الكلام

لأن عنده مشكلة فى المخ و تكون المشكلة عقلية

بمعنى يكون عنده تأخر عقلى مثلا بدرجة من

الدرجات على حسب اختبار الذكاء .

دول كده بعض من الأشياء المتعلقة بالأذن و المخ .

فيه آباء بييجوا عند الحاجتين دول و يقفوا يعنى

لو اطمأن أن الطفل ماعندوش مشكلة فى الأذن

ولا فى المخ بيقف على كده و هذا خطير جدا لأن

كتير من الأسباب متعلقة

بنفسية الطفل , إده !!! هو لسه فيه أسباب تانية

؟؟؟!! 😃

النسيان وعدم التركيز

أيوة يافندم هو إحنا لسه قولنا حاجة ؟! ده إحنا

لسه بنتدى ههههههه

من الأسباب أيضا للنسيان وعدم التركيز :

1- مشكلات زوجية بين الأب و الأم , و الطفل

للأسف الشديد شايف المشكلات دى , و نقول

للأب و الأم لو عايزين تتناقشوا فى مشكلة معينة

بينكما يكون بعيدا عن أعين و سمع الأطفال وأنتم

حلوا مشكلاتكم الزوجية بهدوء فالطفل بيتأثر

جدا بالموضوع ده و لو فيه خناقات و عراك و

صوت عالى بين الأب و الأم , و الطفل شايف كل

ده بياثر عليه نفسيا

فمش بيركز فى مذاكرة ولا فى الكلام اللى بيتقاله

و يشعر بعدم الاستقرار و الأمان و الحب و بيأثر

على كل حاجة فى حياته و شخصيته .

النسيان وعدم التركيز

2 – الصراخ و الضرب و الشخط و الإهانة و

التوبيخ فيخاف الطفل ( الخوف ) و يشعر بالقهر

و الظلم و كره للأب أو الأم و يشعر بمشاعر سلبية

كثيرة وممكن يحصل للطفل أمراض كتيرة نفسية

و عضوية كالتبول اللاإرادى و قضم الاظافر و

الكوابيس و مص الإصبع و يأكل ورق الكراس

و هو لا يشعر و يشعر بالدونية و أنه مهان و أقل

من أصحابه و أقرانه و يكون عنده ضعف فى

الشخصية و يضربه أصحابه فى المدرسة و

يأخذون أشياءه و لا يفعل أى شىء و………

, وقد يكون عدوانيا و عنيفا يضرب أصحابه و

يعضهم و يسرق منهم اشياءهم و يضرب إخواته

فى البيت و قد يعضهم و لا يسمع كلام الأم و

الأب انتقاما منهم لأنهم يقهروه و يظلموه و

يهينوه و……. فقد لا يذاكر انتقاما منهم وقد لا

يذاكر لأن نفسيته تعبانة و مقهور نفسيا و لا

يستطيع التركيز فى المذاكرة و بالتالى الذاكرة

عنده بتكون ضعيفة فينسى باستمرار .

النسيان وعدم التركيز

3 – التسلط على الطفل و قهره : فلا يعطون

للطفل أى إعتبار و كأنه كرسى فى البيت لا

يسمحوا له باتخاذ أى قرار كلامهم بس هو

المسموع أوامر كتيرة و عايزينه ينفذ من غير

مايسمعوا صوته , الأب أو الأم لو الابن عايز

يناقش فى حاجة يقولوله : إعمل من غير مناقشة

ولا كلام , إياك أسمع صوتك ,…….. ومثل هذه

الكلمات المحبطة

برده بيشعر بنفس المشاعر السابقة و نفس الكلام

برده فى النسيان و عدم التركيز .

4- التدليل الزائد والحماية الزائدة : فالطفل كل

طلباته مجابة لو شاور بس خلاص الحاجة تكون

عنده على طول و هذا أيضا خطأ كبير فالطفل

يكون اعتمادى الشخصية و لا يتحمل أى مسئولية

و هو الولد ده اللى بيسموه ” فافى ” ههههههه فهو

أساسا مش متحمل للمسئولية فمش هيذاكر , بس

مش شرط يكون بينسى لا ممكن تكون ذاكرته

قوية , بس هو مش بيعمل لأنه مش حاسس

بالمسئولية وحتى لو بيذاكر فمش بيركز لعدم

اهتمامه بالموضوع ده لأن الأم و الاب مدلعينه

أوى .

النسيان وعدم التركيز

5 – عدم تشجيع الطفل على المذاكرة فمش

بيلاقى حد يشجعه , الأم أو الأب يقوله : ذاكر , و

هم مشغولين بحاجة تانية مش مهتمين بيه ولا

بيشجعوه و لا بيكافئوه مكافآت معنوية كالمدح و

التقبيل و الأحضان و الكلمات المشجعة ولا

……… حاجات كتيرة جدا

ولا مكافآت مادية كالهدايا و النزهات و الرحلات و

……. وغيرها . فالأب أو الأم بدل ما تقوله : روح

ذاكر يا حبيبى . خديه فى حضنك بحب و قوليله

يالا نذاكر يا حبيبى وروحى معاه هاتوا الكتب

بتاعته مع بعض فيحس بالحب و مشاركتك ليه .

⬅️ و طالما فيه حب و رحمة و صبر و رفق مع

الحزم ➡️

هيذاكرالطفل بنفس و هينتبه كويس ( الانتباه ) ,

و هيركز فى المذاكرة ( التركيز ) , وتتخزن

المعلومات عنده كويس , ففى الامتحان يستدعى

المعلومات ( الذاكرة ) فيجاوب و ينجح و يتفوق

إن شاء الله .

و نقول : هو ده ⬅️ ⬅️ { الطفل العبقرى }

النسيان وعدم التركيز
النسيان وعدم التركيز

ليصلكم مزيد من المعلومات عن الطفل والاسره تابعنا

Www.egyptnownews.com

او من خلال صفحتنا علي الفيس بوك

https://www.facebook.com/egypt.now.news.network/

اترك رد

لن يتم نشر عنوان بريدك الإلكتروني.