لقاء خاص مع أصغر مدربة غطس بجمهورية مصر العربية – جومانا هشام طنطاوى
نبتدى لقائنا مع الشابة الجميلة التى عشقت هواية الغطس حتى أصبحت تقوم بتدريب وتأهيل فرق الغطس والتى لقبت باصغر مدربة غطس بجمهورية مصر العربية وهى جومانا هشام طنطاوى بنت ١٧ عام.
س- عندك كام سنة ؟
ج- انا عندي 17 سنة وفي الصف الثالث الثانوي علمي رياضة
س- متي بدأتي تدريبات الغطس ؟
ج- منذ سنتين وكان عمرى 15 عام ولولا تشجيع والدى ليا مكنتش حبيت رياضة الغطس .
لقاء خاص مع أصغر مدربة غطس بجمهورية مصر العربية – جومانا هشام طنطاوى
س- لماذا الغطس بالذات ؟
ج- انا بحب البحر والسباحة واول مرة نزلت غطس كان غطس ترفيهي لكن إستهويت التدريبات وكنت عاوزة انزل أعماق أكثر وعرفت انها لازم عن طريق كورسات وتدريبات وبالفعل حصلت عليها كهواية
ولكن الفضل يعود إلى والدى عميد دكتور مهندس هشام طنطاوى فهو من قام بتوجيهى والإشراف على تدريبى واعطائي كل معلومة تجعل منى على قدر المسؤولية أن أحمل إسم والدى التى أعتز وأفتخر به.
س- ايه إحساسك لما نزلتي عمق 36 متر تحت الماء وكان ورائك البانر الخاص بشركة النيل للدراسات والأبحاث العلمية؟
ج – اولا شركة النيل للدراسات والأبحاث العلمية
هى شركة والدي وانا من مؤسسين الشركة مع والدي وأخي وهو ( ضابط بحري / مهند هشام طنطاوى )
ثانيا بالنسبة لإحساسي طبعا كان شعور وإحساس فخر لأني وصلت للمستوى دة وانا سني 16 سنه وأشوف شعار الشركة بتاعتنا مرفوع تحت سطح المياة بهذا العمق 36 متر
لقاء خاص مع أصغر مدربة غطس بجمهورية مصر العربية – جومانا هشام طنطاوى
س- لما بتنزلي تحت المياه ومعاكي أشخاص جدد بالنسبه للغطس بتتعاملي معاهم أزاي ؟
ج- من تدريبات الغطس لازم الكل يكون فاهم وعارف الإشارات المستخدمة والمتبعة تحت سطح الماء وازاي يتعامل بها مع المدربين .
س- هل تدريبات الغطس تؤثر علي مستواكي التعليمي
ج- انا من أول مابدأت العام الدراسي وقمت بتأجيل نشاطى الرياضى لحين الانتهاء من الدراسة .
س – أنتى بتدرسى أية ؟
ج- أنا في سنه ثالثة ثانوي وقمت بتأجيل هواية الغطس لحين الإنتهاء من إمتحان الثانوية العامة وبعد الإمتحان هكمل في الغطس