بأرادة من حديد الفنان جمال يوسف يعلن شفاءه من سرطان البلعوم
جمال يوسف يعلن شفاءه
كتبت ? : أميرة بدران.
بعد صراع قوى مع المرض دام لمدة خمس أشهر الفنان جمال يوسف يعلن مفاجأة لجمهوره وهى :
شفاءه من مرض سرطان البلعوم الذي عانى منه الفترة الأخيرة، وذلك عبر حسابه الشخصي على موقع “فيسبوك”.
حيث صرح الفنان جمال يوسف فى تسجيل :
“الحمد الله يارب ألف حمد وشكر ليك يارب ربنا كبير أنا لسه واخد النتيجة بتاعت المسح الذرى الورم راح،
ووالله شوفت حب الناس وشوفت الناس الطيبة وهما بيدعولى بلدنا حلوة وأهلها ناس طيبين”.
جمال يوسف يعلن شفاءه
وقد نشر الفنان خالد صديق جمال يوسف صورة له ، معلقًا عليها :
“بفضل الله وكرمه، تعافى صديق عمري الحبيب الفنان جمال يوسف من مرض السرطان اللعين،
وعلق خالد شكرا كل الناس الطيبة اللي دعت لصديق عمره من قلبها”.
كما تابع قائلا:
وبأمر الله كلها شهرين، وتنتهي مرحلة الاستشفاء التام ويرجع يملا الدنيا فن وبهجة”.
كما أضاف صديقه خالد:
بصبرك وامتثالك لقضاء ربك، اللهم أتم شفاؤه على خير يا رب والحمد لله أولاً وآخراً “.
جمال يوسف يعلن شفاءه
وقد توجه الفنان جمال يوسف بالشكر والأمتنان لجمهوره قائلا:
“ناس معرفهاش كانت بتدعيلى بشكر كل الناس اللى فى مقام أمى وأبويا وأهلى وأخواتى،
لما الواحد كان يحس انه رايح فى حته وربنا يمد ايده ويقوله تعالى أنا هديك فرصة درس للإنسان،
انا كلمت دكتور تامر نحاس ربنا يبارك فيه والدكتور هشام عباس وأشكر الدكتور مجدى الشربينى اللى وقف معايا خطوة بخطوة ،
وبيتبعنى لحد دلوقتى الورم مشى بس أنا هفضل تعبان شهر شهرين لحد ما اتعافى من اثر الكيماوى”.
كما وجه الشكر الفنان لكل زملائه اللى وقفوا بجانبه فوقت أزمة مرضة، قائلا:
” بشكر كل زملائى و أول ما دخلت البيت لقيت مكالمة من أستاذ صبحى الله على جمال الراجل دا أبويا و أستاذى،
ده قالى مش هتقوم بقى و نشتغل ولا هتستموت فيها ربنا يخليك و نعمة الاب، أنا بحبة حب غير عادى أستاذ و تاريخ،
ويسأل عليا و مهتم بيا فى كل أشغاله علمت أجيال و اتعلمنا على ايديك و عرفنا يعنى ايه مسرح على ايديك.
وتابع الفنان جمال يوسف كلامه :
“المخرج أحمد مدحت ابن الراحل مدحت مرسى عمل معايا كتير أوى وزملائى عمرو عبد الجليل وخالد عبد السلام وشريف عواد وياسر عزت،
ووفاء عامر ونشوى مصطفى وحنان سليمان وهشام الحصرى وهشام شريف وكل صحاب الجامعة،
فيوم داخل الاشاعه لقيت ست كبيرة معرفهاش بتدعيلى الناس تمشى تسلم عليا فى المعادى وتقولى بندعيلك ،
قد ايه المصريين الطيبين ربنا كبير بشكر اختى المخرجة إيمان شعبان و سعاد الهجان و نهلة فاروق و أمل أسعد و قفتوا جنبى و مش عاوز انسى اسم”.
جمال يوسف يعلن شفاءه
وقد أوصى جمال يوسف في ختام كلامه جمهوره قائلا:
” اللى زعلان من حد يسامح الدنيا مش مستهله، وانا ناس فحلوان بتدعيلى معرفهاش و جروبات فى الجامعة عند بنتى بتدعيلى،
و ناس فى السعودية بتكلمنى تدعيلى ربنا كبير أوى بس هو عاوزنا نقول يارب احنا عبيدك وانت رب الكون،
يعنى كنت من اسبوعين كنت عامل ازاى و دلوقتى بقيت عامل ازاى بفضل دعاء الناس متشكر لكل الناس اللى دعيتلى”.
التعليقات مغلقة.