شبكة أخبار مصر الأن : ENN
بكل فخر و إعتزاز : بوابة أخبار مصر الأولى

ليست النهاية ولكنها البداية

ليست النهاية ولكنها البداية

بقلم –نها عطية

 

ليست النهاية ولكنها البداية

ليست النهاية ولكنها البداية
ليست النهاية ولكنها البداية

هناك أناس يصنعون الأحداث 

وهناك أناس يتأثرون بما يحدث

وهناك أناس لايدرون ماذا يحدث

ليست النهاية ولكنها البداية

حنتكلم عن حاجة مهمة أوووي وهي أنت مين ؟ ركز وخليك واعي!!!!!

 

كتير مننا بيوصل للسؤال ده بعد لما يحس أنه وصل للنهاية !!!!

لما يحس أنه في أخر الطريق!!!! أنه خلاص مابقاش فيه حاجة تاني

 

كام مرة حسيت أن اليوم ده نهاية العالم وطلع بدايته؟

كام مرة حسيت أن الدنيا وقفت وقفلت في وشك ؟ …. وطلع أن ده عنق الزجاجة وبداية شروق شمس حياة أجمل؟

كام مرة أحبطت من اللي حواليك ؟….وقالوالك مافيش فايدة ومش حتكمل ونجحت بجد وكملت ؟

 

بس الحقيقة مادام أنت وصلت للسؤال ده تبقي وصلت لبداية الطريق الصح !!!

تبقي بأت تدرك أنها ليست النهاية ولكنها البداية

 

ازاي ده ؟؟؟؟

 

ما تفكرش أن اجابة السؤال ده سهل بالعكس؟

لأن معني السؤال ده مش اسمك !!!  ولا مؤهلك !! ولا بلدك!!! ولا حتي وظيفتك!!!

 

امال ايه معناه ؟؟؟؟

 

ده أول سؤال لازم تجاوب عليه وأنت ماشي طريق رحلتك في الحياة 

ومعناه أنت عايش ليه ؟

هو أيه هدفك في الحياة ؟

 

هنا بس أقدر أقولك أن اجابة السؤال فعلا مش سهلة أبدا

 

سر الحياة في تحقيق الأهداف :-

هو أنا لازم يكون عندي هدف ؟؟؟

 

أيوة لازم يكون عندك هدف لأن لو معندكش هدف في حياتك في كل يوم وكل ساعة وكل شهر وكل سنة بتعشها هتبقي عامل زي اللي بيلف في دايرة مغلقة نقطة بدايتك هي هي ما بتتحركش من مكانك والدنيا بتلف من حواليك.

 

بتضيع مجهود ووقت علي الفاضي وبدون أي نتيجة ترضيك حاول تعرف أيه هدفك الكبير والأساسي  في الحياة وخرج منه أهداف صغيرة تقدر تحققها علي مراحل وتنجح.

وتؤمن دايا بأنها ليست النهاية ولكنها البداية

 

المأساة الحقيقية في الحياة مش أنك ماتحققش هدفك .. أنما هي في أنك مايكونش عندك هدف من الأساس.

 

هدف بدون خطة مجرد أمنية :-

جميل أنك تتعلم ازاي تحدد هدفك والأجمل أنك تتعلم أزاي تخطط لتحقيق هذا الهدف الموضوع مش صعب بالعكس كل حاجة بقت متاحة وبين أيديك التعلم دلوقتي بقي أسهل المهم أنك تبدأ ..

وتعرف دايما أنها ليست النهاية ولكنها البداية

من يخاف الفشل لن يجرب متعة النجاح:-

علشان تنجح لازم رغبتك في النجاح تفوق خوفك من الفشل لازم يكون عندك أصرار وتحدي علشان تحقق هدفك وده اعمله زاي؟؟؟؟

 

نظم وقتك وحفز نفسك بنفسك المهم أنك تكمل للاخر وماتستسلمش كتير قلنا حنعمل ومكملناش الحماس يخدنا يومان وثلاثة وبعدين نوقف ومنكملش ونبدأ نأجل ونقول بكرة … لأ بعده … لأ بعده ..لأ السنة الجاية … اللي بعدها … لما الظروف تتعدل … لما الولاد تكبر … ولما … ولما … ولما …………

كل العظماء يومهم 24 ساعة زيينا بالظبط ولكن الفرق بينهم وبيننا هو القدرة علي التنظيم الجيد للوقت وادراك قيمته .

 

لأ أبدأ دلوقتي :-

علشان حياتنا مرة واحدة بس لو راحت مش حترجع تاني اليوم اللي بيعدي ما بيرجعش ……………….. أغلب حالات الفشل كانت من نصيب أشخاص لم يدركوا قربهم من النجاح ما استسلموا  لم يدركوا أن النهاية هي البداية الحقيقية

ولازم دايما تكون فاكر أنها ليست النهاية ولكنها البداية

 

عارف أغلي حاجة بتملكها أية ؟؟؟؟؟

مش المال !!!!

ولا الصحة !!!!

ولا المنصب !!!

ولا الأولاد !!!!

أمال ايه ؟؟؟؟

 

الوقت   أيوة الوقت لأن كل لحظة بتعدي من عمرك من غير ما تستثمرها هي ورقة من شجرة حياتك بتقع بدون فائدة  استغل حياتك واستثمر كل دقيقة بتعدي ما تسبهاش تعدي كده …

 

 

عمرك حتتسأل عليه يوم القيامة حاول يكون عندك اجابات مثمرة

 

 

قابل حياتك وعيشها دايما بنظرية الجيم ؟؟؟

أول يومان حتتعب وجسمك كله حيتكسر لكن لو قاومت وما استسلمتش واستمريت حتقق هدفك وحترتاح جدا جربها وطبقها في كل حياتك

 

من الصعب هزيمة انسان …. لم يهزمه اليأس داخله  …. لا تستسلم مهما حدث

عارف اللي حيقويك ايه؟

واللي حيخليك ما تستسمش ايه؟

ليست النهاية ولكنها البداية
ليست النهاية ولكنها البداية

هدفك ايوة هدفك:-

هو هدفك القوي كل ما كنت مؤمن بهدفك وعندك اصرار أنك توصله حتوصل وحتنجح وكل نهاية حتكون دايما بالنسبة لك بداية جديدة حدد هدفك وانطلق وما تخليش أي حاجة توقفك عن تحقيق هدفك .

 

وفعلا حتكتشف أنها ليست النهاية ولكنها البداية

عزيزي القارئ الموضوع لم ينتهي هنا ولكنها هي أيضا بداية لموضوعات جديدة مهمة ومفيدة علشان

ثقافتك تهمنا

 

ليست النهاية ولكنها البداية
ليست النهاية ولكنها البداية

 

 

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد