نماذج مضيئه وطموح لا ينتهي بثقة وتحدي ” مصطفى قطامش” البركة بالشباب

رمز مشرف من بلدنا..دعُنا نتعرف علي القائد مصطفي قطامش

رمز مشرف من بلدنا..دعُنا نتعرف علي القائد مصطفي قطامش

نماذج مضيئه وطموح لا ينتهي بثقة وتحدي ” مصطفى قطامش” البركة بالشباب

رمز مشرف من بلدنا..دعُنا نتعرف علي القائد مصطفي قطامش
رمز مشرف من بلدنا

كتبت/ عهد أيمن

الوصول الي النجاح يأتي بعد فترات من المعافره والمحاوله فهناك منا من بيقع ويرجع اقوي من قبل

وفي ناس تانيه من اول مطب بيقبلها بتستسلم ومش بتقدر تقاوم الصعبات والتحديات اللي بتواجها في اول الطريق.

مصطفي اشرف نعمان قطامش
من مواليد عام 1995م محافظه شمال سيناء درس بكليه التجاره جامعه عين شمس..الولد الوحيد لابيه وامه.

شاب بسيط بيحلم بكل اللي الشباب بيحلموا بيه بس هو موقفش عند انه يحلم وبس

هو بدأ مسيرته من اول سنه ليه في الكليه اثبت لنفسه ولكل اللي حواليه انه مش بس عنده أفكار وطموحات لا بدأ ينفذها علي ارض الواقع .

كانت بدايته من هنا:

شارك في تدريب عن التخطيط والادراه ثم مسئول عن أكبر مؤسسه في الشرق الأوسط كل ده وهو لسه عنده 20 سنه..كان يفضل مجال التدريب بشده فضل يكمل في مشواره لحد مبقي مدير عام للمؤسسه اللي بدأ فيها التدريب.

ثم أخذ جائزه: افضل مدرب من نفس المؤسسه..ثم مدير التسويق والعلاقات العامة لجامعه مونتريال بكندا في الجامعه الأمريكيه في منحه ماجستير اداره الأعمال في مجال التدريب.

اصبح مسئول: مكتب الموارد البشريه في جامعه عين شمس وهو مازال طالب بداخل الجامعه ثم قام بعمل اول مؤسسه تدريب خاصه بيه.

مصطفي موقفش لهنا وبس وقال خلاص انا كده حققت كل اهدافي بالعكس كمل وكان هنا اول مطب ليه في حياته.

قام بتأسيس: اول شركه خاصه بيه المؤسسه الأمريكيه للتدريب والاستشارات…ولكن حلفته الخساره هنا لأول مره فبعد أن وصل لتأسيس شركه خاصه بيه وهو مازال طالب جامعي خسر مشروعه.

الاستسلام مكنش يعرفله طريق عشان كده قام وكمل وبدأ من الصفر تاني.
حصل علي وسام أركان حرب القوات المسلحه من قائد الجيش التاني الميداني الفريق الدكتور عبد المنعم محمد خليل قائد الجيش التاني في حرب أكتوبر.
بدأ يرجع تاني واشتغل في أحدالحملات الرسميه لرئيس الجمهورية ثم اسس مؤسسه ويست فرجينيا للتدريب والاستشارات اول مؤسسه شبابيه .. شركه متخصصه في مجال البنك والبورصة وال Hr .
بدأ ينضم الي: اتحاد طلاب تحيا مصر ثم أصبح رئيس اتحاد طلاب تحيا مصر وأخذ يقوم بعمل اعاده هيكله مره اخري الي الاتحاد حتي ينهض بيه مره اخري.
وسجله كمبادره شبايبيه الي مؤسسه القاده بأكثر من 7000 عضو خلال سنه ونص كأفضل كيان شبابي 2020 واخذ افضل كيان شبابي أيضا في 2021.

سألنا مصطفي اكيد موصلتش كده لوحدك مين ساعدك توصل للي انت فيه دلوقتي وكان رده:

 الدعم الوحيد ليا كانوا المحبطين هم السبب الرئيسي اني اوصل للي انا فيه دلوقتي ولسه مكمل.

أكبر دافع ليا: لما كانوا يفضلوا يقولوا انت فاشل انت مش هتقدر تعمل حاجه فأنا بشكرهم انهم ساعدوني اوصل بجد.

 سألنه لو توجه نصيحه للشباب هتكون ايه:

متخليش حد يحبطك ولا يوقفك عن حاجه انت بتعملها كمل وعافر وحاول مره واتنين لحد متوصل لهدفك متسمعش لحد ولا تسمحله يحبطك استغل الفرص المتاحه قدامك.

قال مصطفي جمله جميله جدا اني البطاله عندنا هنا اختياريه وليست اجباريه يعني انت اللي بتحط نفسك في دوامه مفيش شغل مش لاقي وظيفه وغيره.
استغل فتره وجودك في الجامعه علي قد متقدر حاول تشارك في الأنشطة الطلابية داخل الجامعه استغل كل نشاط داخلي وحاول تقدم حاجه فيه لاني زي مهتقدم اكيد هتستفيد.

حاول تدرب كتير:داخل الجامعه عشان متخرجش فجاه بعد متخلص تصطدم بالحياه العمليه فجاه عمرك مهتعرف تتعامل لازم تكون بدأت من وانت في الجامعه.

صرح لنا عن دور تحيا مصر الريادي ..سيشارك طلاب تحيا مصر  في انتخابات المحليات القادمه في مختلف المحافظات علي مستوي الجمهوريه.
رغم محاولته الدائمه لإثبات نفسه وخدمه الوطن إلا أنه مازال مُصر علي تقديم جميع الخدمات التي تحتاجها الدوله والشباب .

كلنا لازم نتعلم: من تجربه مصطفي الناجحه شاب مكافح رغم الظروف الصعبه اللي قابلته إلا أنه مكمل في مسيرته الإحباط لم يستطيع أن يتغلب عليه.

ياريت كلنا يكون عندنا امل في بكره ونركز في هدفنا ومنسمعش لأي حد بيقلق مننا وبيحاول يحبطنا كن انت ولا تسمح لأحد بأختراق شخصيتك انت تقدر ..لسه في امل.

التعليقات مغلقة.